يا سلام.. !


نايف سليم


                                     1
نادى المنادي  ع السلام.. مرّه.. وفرح المدى  برّه.. وقلنا:
 فرفر بحريّه.. الحمام.. وما بين يقظة مشوّشة  نتفه   ومنام
 نادى المنادي  يا سلام.. باين على ريح السلام الهابّه.. مش جايبه
 معها  ولا ريحة سلام.. وباين على الحكام.. ظلّوا زمرا متكالبة..             
عا فصفصة لعظام.. وباين على كل الكلام اللي انحكى.. كلّه كلام.


                              2
 يا أهلنا المتضررين من الدجل.. من هيصة الحكام
 وقلب الحقايق كلها.. والقيم  بالإعلام.. شدّوا الخطى ولمقاومه للظالمين
 بلكي الحكي بقلب فعل قدّ المقام.. وبلكي المشي الدغري على درب السلام
 مشّى إشي.. وشقلب موازين وإشي من هالتآمر ع السلام..!


                               3
  ولولا انتفاضة شعبنا.. لمولّعه نارا.. وأطفالنا اللي نزّلوا الذره للحجاره
 وريح الغضب بتدور هدّاره.. ماكانت الأفلاك دوّاره بإشي إسمه سلام
 وما كان شي محتلّ مستعمر حكى كلمة سلام..


                               4
 ولولا دم الشهداء والجرحى المنتفضين..  لمقاومين..
 كان التنفس والهوا.. حتى التنفس والهوا.. ممنوع عن  هلّي بفلسطين..


                                5
 وهذا الدم القاني.. صوتُه قوي.. وصريخ إنساني.. بوجه العوالم كلها..
 بأيام   هذا   "ترمب  اللبرماني"..

الأثنين 8/1/2018


© كافة الحقوق محفوظة للجبهة الدمقراطية للسلام والمساواة
حيفا، تلفاكس: 8536504-4-972 بريد أليكتروني : aljabha.org@gmail.com

صحيفة الاتحاد: هاتف: 8666301 - 04 | 8669483 - 04 | فاكس: 8641407 - 04 | بريد الكتروني:aletihad.44@gmail.com

* المقالات والتعليقات المنشورة في موقع الجبهة تعبر عن آراء كاتبيها ولا تعبر بالضرورة عن رأي الموقع